偶像拍拖=“塌房”？
咁又未必嘅~
昨日，有媒体拍到
许嵩同神秘女仔手牵手逛街，
跟住一起开车同回家中，
期间举止亲昵，画风和谐，
疑似恋情曝光。
而得知自家偶像拍拖后，
许嵩好多粉丝不但
冇忙住否认、对线、求辟谣，
反而係超级欢喜咁表示恭喜，
正主未官宣都争住“认阿嫂”，
仲不忘调侃许嵩“铁树开花”。
有啲人甚至连佢摆酒
要请嘅来宾都帮手谂埋，
真係够嗮贴心↓
虽然有部分玩梗性质，
不过多数围观群众对
许嵩这次新恋情都係以祝福为主嘅~
毕竟佢平时一直好低调，
十几年来冇乜八卦新闻。
作为QQ音乐三巨头之一，
许嵩以《素颜》《半城烟沙》
《雅俗共赏》等多首经典歌曲，
陪伴咗许多90后小伙伴
度过校园时光。
但当好多粉丝都慢慢长大，
甚至成家立业了，
许嵩嘅感情方面
却迟迟未见有好消息，
零星几个传过绯闻嘅对象，
唔係音乐上嘅合作伙伴，
就係生活中嘅好朋友。
如今终于可以见到
偶像喺感情上有着落，
粉丝当然戥佢高兴啦~
火眼金睛嘅网友仲
通过身高、衣着对比，
估到呢位“绯闻女友”应该係
《你好星期六》嘅主持人冯禧喔。
2000年出生嘅冯禧
毕业于中国传媒大学，
係湖南台近期力捧嘅新扎主持。
去年，曾参加东方卫视嘅
《主播有新人》大赛，
获得综艺赛道冠军。
之后入职湖南卫视，
即出现喺《小芒年货节》
《勇往直前的我们》
《100道光芒》等多档节目中。
今年，佢同何炅成为新搭档，
在接档《快乐大本营》嘅
《你好星期六》中做常驻主持人。
每周都有露面机会，
加上本人有出色嘅业务能力，
冯禧好快就得到观众嘅关注，
年纪轻轻，就有唔错成绩了~
而最让网友感到浪漫嘅係，
冯禧仲係许嵩嘅“小迷妹”！
佢曾在日常动态中，
用许嵩嘅歌词做文案。
7月中，甚少参加综艺嘅许嵩
现身录制《你好星期六》，
冯禧激动发文、认领“粉籍”。
节目中，冯禧也难掩
遇见偶像嘅激动，
多次真情流露地表示崇拜。
今次疑似恋情曝光后，
唔少网友就估二人係咪
就喺呢次同台挞着爱火？
也有网友大胆猜测，
可能两人早就发展紧，
许嵩係专登嚟女友节目撑场。
无论係边种情况，
都超级浪漫咯~
虽然截至目前，
双方暂未对恋情传闻做出回应。
不过“嗑CP”嘅网友
已经开始自动狂扒糖点。
今日更有人爆料，
前日举行嘅“飞天奖”颁奖礼，
仲係一个新人嘅冯禧
竟然代表湖南台出席咗颁奖礼，
活动彩排时，其实许嵩也在场，
仲假扮自己係冯禧嘅小助理，
真係十足十似甜宠剧嘅现场！
目前唯一比较有争议嘅，
可能就係两人年龄差有啲大，
许嵩1986年出生
冯禧2000年出生
二人足足相差14岁啵
anyway~
追星追到偶像变男友，
知名歌手为爱甘扮助理，
甜宠小说情节果然来自现实！
如果呢对真系实锤咗，
又真係几sweet嘅~
